Babban Mashawarcin Gwamna abba kabir Yusuf Ya Yi Murabus
jihar kanoBabban Mashawarcin Gwamna abba kabir Yusuf Ya Yi Murabus, Ya Sauya Sheka Daga NNPP Zuwa APC
Babban mashawarci na musamman ga Gwamna Abba Kabir Yusuf na jihar Kano, Abdulrahman Muhammad Sulaiman, wanda aka fi sani da Mai-Kadama, ba wai kawai ya yi murabus daga mukaminsa ba, ya fice daga jam’iyyar, NNPP, zuwa jam’iyyar APC, bayan da ya ganawa da mataimakin shugaban majalisar dattawa, Sanata Barau Jibrin.
Sulaiman, babban mai bai wa gwamna Yusuf shawara kan harkokin kasuwanci, ya bayyana ficewar sa ba zato ba tsammani a ranar Alhamis, bayan wata ganawa da Barau Jibrin a ofishinsa da ke Abuja.
Mai-Kadama ya rike mukamai da dama kafin ya sauya sheka, ciki har da jagoran tafiyar Kwankwasiyya a jihar Filato; haka ma ya kasance shugaban kungiyar G-6 a jihar Kano.
A wani sako da ya wallafa a Facebook, Jibrin ya ce Mai-Kadama ya koma jam’iyyar APC ne domin ciyar da shugabanci nagari da kuma habaka ci gaba.
Sanarwar ta kara da cewa: “Wani karin kuma ga jam’iyyar (APC) a matsayin babban jigon jam’iyyar NNPP, tafiyar Kwankwasiyya, Abdulrahman Mai Kadama Kwankwasiyya ya koma jam’iyyar ta APC.
“Yau Mai Kadama Kwankwasiyya yana gidana da ke Abuja, inda ya jefar da jar hula ya koma babbar jam’iyyar siyasa a Afirka, APC.
“Da sauya shekar jam’iyya ya bayyana cewa shi ne Mai Kadama Maliya. Dan siyasar ya kuma bayyana murabus dinsa a matsayin babban mataimaki na musamman ga gwamnan jihar Kano kan harkokin kasuwanci II.
“Mai Kadama ya kuma bayyana murabus dinsa a matsayinsa na jagoran Kwankwasiyya na jihar Filato, jagoran kungiyar G-6 a jihar Kano da kuma shugaban Kwankwasiyya Akasa A Tsare, domin ya bi sahun mu domin inganta shugabanci na gari, da gaggauta samar da ci gaban jihar mu da kasa baki daya.
“Sabon Mai Kadama Maliya ya yi kira ga ’yan uwansa matasa ‘yan siyasa da su shigo cikin wannan gagarumin yunkuri na mu don isar da dimbin dimokuradiyya ga al’ummarmu.
“Kamar yadda na fada a baya, jam’iyyarmu ta APC, ita ce jam’iyya daya tilo da ta himmatu wajen inganta rayuwar al’ummarmu. Mu yi tare; jirgin kasa na iya daukar kowa.”
